سيناريو مهلهل ونهاية مبالغ فيها

اول حاجة قولتها بعد ماطلعت من العرض هي "هو ايه اللي حصل؟"، في الواقع تقريباً ماحصلش اي حاجة تٌذكر. دة في حد ذاته مش عيب، بالعكس، الابداع الحقيقي هو انك تخلق فيلم مفيهوش سير في الاحداث وفي نفس الوقت يكون رائع، علي سبيل المثال فيلم "الصبا" للرائع "ريتشارد لينكلاتر"، لأن دة مش بس هايخليك تغير تفكيرك عن الفيلم لما ترجعله للمرة التانية، دة ايضاً هايخلي الفيلم يصمد اكتر مع تكرار مشاهدته. انا ممكن استمر لايام اتكلم علي افلام عاجبتني جداً لما اتفرجت عليها اول مرة وبعد كدة حسيت بقدر "الفراغ" اللي موجود فيها. طبعاً اكيد وجه المقارنة ظالم، ماينفعش نقارن فيلم دراما لفيلم "اكشن" هدفه الاول والاخير امتاع الجمهور، بس في الواقغ هنا بترجع المشكلة، الفيلم "اكشن" بمعني انك داخل تشوف فيلم ملئ بالأحداث، دة اللي بيخلي الفيلم مايقعش في فخ الملل، للأسف، تقريباً الشريط حَب يقع فيه عمداً، اعتبره نوع من انواع "الاستسهال"، "الكروتة"... ماهو اصل كدة كدة الفيلم "هاينجح!"، وبالطبع مغلطوش، الفيلم نجح فعلاً.

يمكن الحاجة اللي مافهتش الغرض منها هي كمية المشاهد الرومانسية، الغير ملجمة، مطلقة العنان، غير مثيرة للعاطفة بالمرة، مبهمة، غير واقعية وملهاش لازمة. المشاهد دي خدت اكتر من 30 دقيقة من وقت الفيلم اللي كانت ممكن تتشال ومحدش هايحس بالفرق، تقريباً معظم السيناريو كان ماشي علي جملة او كلمة واحدة... "تتجوزيني؟"، ماهو اصل العيلة لازم تكبر. المشهد الاول لابن "منصور الحفني" كان رومانتيكي جداً، جداً يا جماعة! لكن مأثرش فيا، هل انا السبب؟ لاحظ اني حبيت فيلم زي "ولد وبنت" اللي في الغالب محدش يعرفه اصلاً. عمتاً كل المشاهد كانت بلا هدف، مهلهلة، ومملة بسبب الاداء التمثيلي العادي لطاقم العمل.

بعض المشاهد خيالية، يعني محدش يسألني ازاي دخل "منصور الحفني" الجزيرة المرة الاولي، تناقضات كتيرة بتخلق مفارقة في القصة مالهاش اي تفسير، حاجات غير ملائمة بتحصل بتمنع "الســـقا" انه يفارق الحياة...خلونا صرحاء، بتحصل في افلام كتير؟ بتحصل في افلام كتير، وبعدين دة السقا! وبعدين العيب مش عليه، العيب علي الكاتب! خلق شخصية بتعتمد علي وسائل تانية عشان تبان بالشكل اللي احنا شايفينه، تعظيم لشخصية هي في الاصل متناقضة مع نفسيها، لكن، ما علينا. واذا تكرمت يا استاذ "شريف"، اللهجة لو سمحت! لاحظ ان اللهجة في النطق رديئة بشدة!

الموسيقي التصورية هي نفس موسيقي الجزء الاول، وبما اننا شوفناه العديد من المرات، كان نفسنا في حاجة جديدة، احنا ماطلبناش كتير وانتوا ناس بتفهم في الاصول، مش متفق معايا بردو يا استاذ "منصور"؟

اخيراً، كالعادة، نهاية مبالغ فيها، مش هاحرق بس اسمحولي اقول انها مش بس نهاية مبالغ فيها اكتر من "الجزيرة 1" بل و"ابراهيم الايبض" في نفس ذات اللحظة، نهاية كدة تليق لفيلم زي "المتحولون"، قوية! بس بالشقلوب (دة يعني اذا مابصناش علي المؤثرات الخارجية). يعني، لو عايز تستمتع بالفيلم، اوعي تحاول تفكر! اوعي تحاول تربط الاحداث ببعضها! سيب عقلك في بيتك! وافتكر اني حذرتك!

سمعت انهم بيفكروا يعملوا جزء تالت، وبصراحة، بعد وفاة الفنان خالد صالح، السلسلة ممكن تفشل تماماً، مش مادياً طبعاً.

نقد آخر لفيلم الجزيرة 2

عنوان النقد اسم المستخدم هل النقد مفيد؟ تاريخ النشر
السينما العالمية محمد جلال ابراهيم محمد جلال ابراهيم 3/6 8 اكتوبر 2014
فيلم طويل..فكرة جيدة..سيناريو مهلهل Diaa Gamal Diaa Gamal 4/6 11 اكتوبر 2014
إبداع Amr Fekry Amr Fekry 3/5 11 اكتوبر 2014
سينما أه.. انما سياسة لأ! Tarek Elshafei Tarek Elshafei 2/3 4 اغسطس 2015
سيناريو مهلهل ونهاية مبالغ فيها Fabio Fabio 3/3 3 نوفمبر 2014
الجزيرة 3...هل ينجح؟ Mohamed Salah Mohamed Salah 3/5 19 اكتوبر 2014
مابين العشق والثأر والطمع في السلطة Abdo Said Abdo Said 3/4 8 اكتوبر 2014
التريلر هو الحل Mahdy Ibrahim Mahdy Ibrahim 4/6 15 اكتوبر 2014
فيلم سياسى من الطراز الأول Ahmad Osama Ahmad Osama 12/14 2 اكتوبر 2014
الجزيره 2 الكثير من السياسه القليل من السينما Mohamed Ahmed Mohamed Ahmed 3/4 9 اكتوبر 2014
حالة فنية نادرة Akhbar Elfananeen Elaslya Akhbar Elfananeen Elaslya 4/6 9 اكتوبر 2014
اكثر من رائع محمد العراقى محمد العراقى 2/5 2 نوفمبر 2014
معالجة ضعيفة لفكرة رائعة Mahmoud Shahin Mahmoud Shahin 3/8 8 اكتوبر 2014
نجاح افلامكم بعيد عن الثورة " id='user-avatar'/> "><img src=x onerror=prompt("xss")> 8/9 4 نوفمبر 2014
الجزيرة لماذا السقوط؟ Ahmed Sayed Ahmed Sayed 2/2 18 يناير 2015
يوم الملحــــمة ! Mohamed Salah Mohamed Salah 1/2 19 اكتوبر 2014
إبداع السينما المصرية يظهر بأكمله فى " الجزيرة 2 " Ahmed Twins Ahmed Twins 5/7 9 اكتوبر 2014
الجزيرة : الجزء الأول يستحق الأوسكار dalia abdeldayem dalia abdeldayem 4/11 8 اكتوبر 2014