• Karim Medhat
• 06:15 صباحًا - 15 يوليو 2017
• نقد آخر لنفس المستخدم

الفيلم بإختصار بيحكى عن اتنين هيتم اسرهم عن طريق جيوش الصين الى هتكون فى خلال الفترة دى عندها حرب مع وحوش مجهولة المصدر بتظهرلهم كل 60 سنة وبتاكلهم وبدمر كل حاجة فى طريقها.. قصة الفيلم حلوة ومشوقة خصوصا مع اول جزء فالفيلم الى بيفهمك فيه الدنيا ماشية ازاى الفيلم فنصة بيفقد شوية من الحبكة بتاعتة ويحصل حبة عك كدة بس مش هتلحق تتخنق لان احداث الفيلم هتشدك تعرف اى الى هيحصل بعد كدة بغض النظر عن حبكتة احداث الفيلم مشوقة ويعتبر مغامرة جديدة لمات ديمون ومختلفة عن النوعية الى بيقدمها فى معظم افلامة.. الفيلم اهمل شوية فى انة يعرفنا نبذة مختصرة عن الشخصيات او حياتهم بس بردوا نقطة مش هتحس بيها خصوصاً ان مش هتلاقى وسط الاحداث فرصة انك تفكر فده لان الفيلم مليان احداث بطريقة تشدك وافقدت القصة حبكتها فى نفس الوقت .. الفيلم عموماً مسلى جداً وغير ممل ويصلح للاجواء العائلية (Y)

• 0 مفيد
• 0 غير مفيد