• ناجي مصباح محمد
• 11:54 مساءً - 5 مارس 2022
• نقد آخر لنفس المستخدم

المسحراتي، مهنة رمضانية تعودت عليها أذان المسلمين في شهر رمضان في كل عام، و في كل بلد، لتذكير الناس بالسحور، لكن في مصر السحور له طعم خاص، خصوصا مع صوت الطبلة التي يحملها المسحراتي و هو يقول (اصحى يا نايم اصحى يا نايم اصحى وحد الدائم ...... و قول نويت بكرة ان حييت الشهر صائم و الفجر قايل اصحى يا نايم وحد الرزاق...... رمضان كريم)، و كثير من طرق اخرى يقولها المسحراتية مثل (السحور يا عباد الله) و (يا نايم اذكر الله، يا نايم وحد الله) و كثير من المسحراتية ينادونها بأسماء الناس (اصحى يا فلان) (اصحي يا فلانة).

الصوت اللي أنا هتكلم عنه النهاردة هو صوت من أشهر الأصوات اللي احبها عامة المصريين، هو موسيقار و مطرب و ملحن، و لحن العديد من الاغاني و من تترات البرامج زي برنامج (في نور الأسماء الحسنى) و برنامج المسحراتي اللي أنا هتكلم عنه النهاردة.

بصراحة، اول ما شفته في اليوتيوب في برنامج المسحراتي و انا في رأيي هو أحسن واحد في مصر عمل المسحراتي، و اما كان بيعمله، الشاعر اللي كتب الأشعار (فؤاد حداد) عمل في كل حلقة عنوان زي حلقة بعنوان (مصر يا بهية) و (الشيخ محمد رفعت) و (يوم العمل يوم عيد) و (ليلة القدر) و (حي المدامع و الابتسام) و (خان الخليلي). و دي بردوا من العلامات اللي الواحد لما يشوفها يحس برمضان. و انا شخصيا بحس براحة نفسية لما بسمع لمثل هذه الاعمال. هو الموسيقار و الملحن و الفنان/ سيد مكاوي.

• 1 مفيد
• 0 غير مفيد