لوحة سينمائية

  • دكان شحاتة

    • تحب خالد يوسف او لا .... هتتفرج ... بيعجبك كتابات ناصر او لا هتتفرج برضه ...عمرو سعد ممثل بجد ولا لا ...هيفا تنفع تمثل ولا جايبنها عشان يضمنوا الايردات .... و ياتري غادة عبد الرازق هتعمل نفس الدور بتاع الريس عمرو حرب و حين ميسرة ....محمود حميدة رجع بقوة ولا مش هيكرر ابداعه في أسف علي الازعاج ؟؟؟
    • اسئلة كتير جدا بس انا واحد بحب خالد يوسف قوي و بحب كتابات ناصر عبد الرحمن و دخلت الفيلم و انا عارف اني هانبسط و هاتفرج علي سينما بجد ... و هيفاء من اعلان الفيلم شكلها بيقول هتعمل حاجة و عمرو سعد طالع بشكل جديد .... استعنا علي الشقاء بالله و دخلته اول يوم عرض .
    • قصة الفيلم بتدور حول الاب (محمود حميدة) الجنايني اللي بيشتغل في مصر و عنده 3 ولاد و بيخلف طفل رابع (شحاتة – عمرو سعد) .... لكن لما بيكبر بيعاني من معاملة اخواته السيئة ليه اللي بتنتهي بمأساة .... و في احداث الفيلم بيعرضك لاحداث 25 سنة من عمر مصر و كمان اللي ممكن نوصله لو فضلنا كده .
    • اعلان الفيلم فعلا يشد قوي ... يخليك مش فاهم حاجة بس عايز تفهم .... و اسم الفيلم غامض و التريلر بيشوقك.
    • بوستر الفيلم (اللي طالعة فيه هيفاء بالنقاب) ...فعلا احد اسباب الجذب للفيلم و يمكن ده احسن بوستر للفيلم .
    • خالد يوسف : المخرج ..... فعلا يوسف شاهين مماتش الا لما ساب واحد يكمل من بعده ... مش عارف ااقولك ايه بس ... الاخراج اكتر من متميز ...مشهد كوبري اكتوبرو محطة مصر في اول الفيلم يوم ما اتقتل السادات و مشهد النهاية و برضه الكوبري فاضي بعد الزحمة .... بجد بيلخص حاجات كتير و كمان اللقطات المتقطعة لمشاكل العيش و التحرش و المياه و الصحة و التعليم ...اكثر من رائعة .... صورة وصفت من غير كلام .....
    • ناصر عبد الرحمن : معجب بأعمالك قوي بس بعتبر ده افضلهم ...يمكن لان هي فوضي و حين ميسرة رغم جودتهم بس اول اعمالك فاكيد اللي بعدهم بيبقي احسن لان دايما اول الاعمال بتكون محملة بشخصية الكاتب اكتر من الابطال نفسهم بس ده مايمنعش اني حبيت الفليمين و كمان غموض جنينة الاسماك ....خلاني حبيت دكان شحاتة اكتر ... الحوار سلس للغاية بطريقة ممتعة قوي و سيناريو الاحداث مش مشتت رغم انه بيتناول 25 سنة بس كنت متمكن قوي من السيناريو و مملتش ابدا من الاحداث بالعكس كنت بتمني الفيلم يكون اطول من كده .
    • احمد سعد : الحان و اداء الاغاني .... انا بحب صوتك من ساعة ماظهرت بس ادائك و صوتك عملوا للفيلم طعم و حسيت ان صوت احمد سعد ماشي مع شخصية عمرو سعد طول الفيلم هو بيعبر بالتمثيل و انت بالاغاني .
    • يحي الموجي : الموسيقي التصويرية ابداع ما بعده ابداع لدرجة اني نزلت سي دي المزيكا و مش بسمع غيره خصوصا مزيكة اخر مشهد ... المزيكا بتتكلم ...احسنت بجد .
    • عمرو سعد : مش هتكلم عن اللي فات حلو او وحش .... بس بجد 10/10 مختلف تماما عن اعمالك اللي فاتت و كمان ادائك حلو قوي قوي ...ايه ده .. مشهد النهاية بجد رائع سواء انت او هيفاء او مزيكة يحي او كادرات خالد يوسف ...... منكرش ان شكلا كان زي احمد زكي في الهروب بس ده تشابة الراجل الصعيدي في اغلب الاحيان و الاداء كان مختلف و عاجبني بجد تمثيلك .
    • هيفاء وهبي : صدمتيني ...بعيدا انا بحب اغانيك ولا لا (مع انه اكيد اه و اكيد بحب شكلك) ... بس بجد صدمتيني و مش انا بس ....اغلب اللي سمعته من الناس انهم دخلين يتفرجوا عليكي ....لكن لما شفت الناس بتبكي بسببك و انا منهم قلت نفس جملة خالد يوسف ....ياريتك تبطلي غنا و تمثلي و بس .... لو في سبب اني ادخل الفيلم تاني يبقي عشان اتفرج علي تمثيلك و استمتع بالقصة ...10/10 كأول تجربة وياريت لاي سبب متكونش الاخيرة ....روعة .
    • محمدو حميدة : العائد بقوة للسينما .....دور ولا اروع ..... متعود انا عليك اغلب الوقت في ادوار الشر لكن بعد اسف علي الازعاج و دكان شحاتة ...غيرت رأي ...و ده اللي يثبت اك عبقري....ادائك مش طبيعي و اخر مشهد ليك بجد تحفة .....حزنت عليك زي ماتكون ابويا .
    • عمرو عبد الجليل : اكدت علي كلامي ان خالد يوسف اعاد اكتشافك ..... دورك بجد حلو قوي و فيه كوميديا تلقائية .... و يكفي مشهدك و انت بتخبط التاكسي و وراك البوكس .... و حتي ردك فعلك مع عمرو سعد كان منطقي جدا و عملته حلو قوي .
    • غادة عبد الرازق : مفاجأة برضة .... بتحاولي تغيري رأي الناس و تثبتي انك ممثلة بجد.... دورك مكتوب حلو و انتي عملتيه احلي ..... و برضة مشهد النهاية قصاد محمد كريم كان رائع قوي .
    • عبد العزيز مخيون و صبري فواز و طارق عبد العزيز و احمد وفيق و محمد كريم : شكل جديد و اداء متميز برضة .
    • البرص : و دي شخصية في الفيلم بس للاسف معرفتش اوصل لاسم الممثل بجد من المفاجأت سواء كممثل او كأداء او حتي ردود افعالك اللي دايما غير متوقعة .... و اخر مشهد فعلا بيلخص الفيلم و الحال اللي وصلناله ... مستني اشوفك تاني عشان اعرف احكم ...بس بجد تحفة .
    • انا انجزت عشام مطولش ...بس بجد انا بعتبر الفيلم ده لوحة سينمائية تستحق المشاهدة و التقدير لصانيعيها سواء عاجبك الفيلم او لا ...بس انت متأكد ان الناس دي بتحاول تقدم سينما بجد و بتحاول توصل رسالة .... الفيلم انا بديله 9/10 و زعلان ...بس حاسس ان اللي جاي من ناصر و خالد احسن و عشان كده مدتوش 10/10 بس جوايا بديله ال10 دول و يمكن اكتر .

نقد آخر لفيلم دكان شحاتة

عنوان النقد اسم المستخدم هل النقد مفيد؟ تاريخ النشر
فيلم من العيار الثقيل Khaled Bassyouny Khaled Bassyouny 6/15 17 مايو 2009
\"عيون على دكان شحاتة هشام محفوظ هشام محفوظ 4/11 20 مايو 2009
تحفة أخرى من تحف المخرج الرائع ( خالد يوسف ) د.صلاح الغريب د.صلاح الغريب 2/2 5 ديسمبر 2009
لوحة سينمائية Adel Salib Adel Salib 15/21 22 مايو 2009
رائعة خالد يوسف دكان شحاتة jack hunte jack hunte 5/8 30 مايو 2009
الفيلم يناقش مشكلة تدمير القيم المصرية الأصيلة camelia taha camelia taha 0/0 25 يوليو 2008
دكان شحاتة.....بانوراما على الوطن ايلاف سامى ايلاف سامى 3/3 13 يوليو 2009
دكان شحاته dr_ama dr_ama dr_ama dr_ama 3/4 24 يونيو 2009
الموز الاخضر بالحبة! رجاء رحمة رجاء رحمة 5/7 16 يونيو 2009
إحباطات الميلودراما عزيز التفاحي عزيز التفاحي 0/3 26 يوليو 2009
عنوان صدور الفلم ziyad rs ziyad rs 0/5 10 اغسطس 2009
الصراخ .. الحشر و .... هيفاء و هبى !!! أحمد أبوالسعود أحمد أبوالسعود 4/9 11 اغسطس 2009
دكان شحاتة..وأهداف خالد يوسف الضائعة Ahmed Shawky Ahmed Shawky 13/26 27 مايو 2009
كثير من الاسقاطات .. كثير من التوفيق Ahmed Nouman Ahmed Nouman 4/5 18 يناير 2010
مزيج من الدراما السوداوية والتوثيق Marwan Tawfik Marwan Tawfik 1/1 2 مارس 2014