• Mohamed Salah RiddleR
• 12:00 صباحًا - 6 فبراير 2014
• نقد آخر لنفس المستخدم

مفيش حاجة فعلا أحلي من السينما النضيفة غير انك تشوف الإقبال عليها! طوابير في السينما على فيلم ملوش أبطال بأسامي رنانة ومع ذلك الكل رايح وبيتفرج مش مجر فيلم واخد آراء كويسة من النقاد لأ وكمان من الجمهور. دي بقا المعادلة الصعبة الفيلم صريح جدا ومش أبيح خالص! بما اننا اتعودنا ان كلمة صريح دي معناها خارج الفيلم صريح في مناقشة القضية بتاعته من غير أفورة ومن غير تلميحات هبلة من بتاعة الأفلام والمسلسلات العربي بتاعتنا ! ادخله ومش هتندم أبدا أول مرة أصلا أدي فيلم تقييم 10/10 لإني شفت فيه كل حاجة حلوة الاخراج عبقري والأبطال الصغيرين دول والله قدموا دورهم أحسن من نجوم كتير بياخدوا ملايين في أفلامهم صوت أحمد حلمي ادي الفيلم طعم مختلف برضه، وطريقته في التقديم كان نفسي هاني عادل يظهر أكتر لاني بحبه جدا بس بصراحة محستش الفيلم ناقصة حاجة ولا كان زايده حاجة كان نفسي مشهد أبلة فاهيتا يفضل موجود في الفيلم اللي اتحذف لأسباب فنية، عجبني اوي لما شوفته ع اليوتيوب

• 0 مفيد
• 0 غير مفيد